20/11/2014 08:18:14

12 të arrestuar për energjinë gjatë operacionit sot

Janë kryer kontrolle të përbashkëta Polici – OSHEE në 1.376 raste

TIRANË, 19 Nëntor /ATSH-Gjergji Mima/ -Policia e Shtetit, në bashkëpunim me OSHEE, kanë vijuar sot kontrollet e përbashkëta në të gjithë vendin për të identifikuar dhe vënë para drejtësisë autorët e lidhjeve të paligjshme të energjisë dhe vjedhjes së energjisë elektrike. Në të gjithë vendin kanë vepruar 83 grupe të përbashkëta Polici – OSHEE. Si rezultat i kontrolleve të kryera në terren, në abonentët biznes dhe familjarë, janë arrestuar 12 persona, të cilët akuzohen për vjedhje të energjisë elektrike si dhe janë shpallur në kërkim 5 persona të tjerë. Janë kryer kontrolle të përbashkëta Polici – OSHEE në 1.376 raste. Si dhe janë ndërprerë 951 lidhje të paligjshme të energjisë dhe abonentve debitorë. Janë arrestuar në flagrancë 3 pronarë biznesesh për rilidhje të paligjshme të energjisë për herë të dytë. Gjatë ditës së sotme janë kontrolluar 183 kabina elektike dhe abonentët që furnizohen me energji elektrike nga këto kabina, si dhe janë ushtruar kontrolle edhe në kabinat e kontrolluara më parë, ku u konstatuan 3 rilidhje të paligjshme për herë të dytë. Grupet e përbashkëta Polici e Shtetit – OSHEE, do vijojnë çdo ditë kontrollet kabinë më kabinë , tek çdo abonet biznes apo familjarë si dhe do rikontrollojnë përsëri zonat e kontrolluara më parë.

HermesNews - ©2014

Dërgo me email | Stampo artikullin | Artikulli është lexuar 727 here